Þessar bananamúffur með súkkulaðibitum eru dásamlega góðar og innihalda engan hvítan sykur. Ótrúlega einfalt að útbúa þær, mjúkar og góðar. Það er hægt að leika sér með þessa uppskrift á ótal vegu, bæta döðlum út í og sleppa þá hunanginu og það má líka sleppa súkkulaðinu ef vill o.s.frv. Hollar og góðar múffur sem svíkur engan!
2 egg
2-3 vel þroskaðir banananar (ég notaði 3)
1/2 bolli Akasíu hunang frá MUNA
1 tsk vanilludropar
2 bollar möndlumjöl (má nota hveiti eða spelt)
1/2 tsk vínsteinslyftiduft
1 tsk matarsódi
50 g dökkt súkkulaði (sykurlaust ef vill)
Stappið bananana og hrærið þá vel saman við eggin og bætið svo vanilludropum og hunangi út í. Öllum þurrefnunum bætt út í og hrært varlega saman. Deigið sett í múffuform og súkkulaðið saxað í grófa bita og sett ofan á hverja múffu fyrir sig.
Bakið í u.þ.b 12-15 mínútur við 175° og njótið vel.
Skráðu þig á póstlistann!