Dásamlegar kókoskúlur
Ég elska að henda í dásamlegar kókoskúlur þegar mig langar í eitthvað smá sætt sem inniheldur engan hvítan sykur. Það tekur enga stund að útbúa þær, innihalda aðeins 6 innihaldsefni og æðislegt að eiga þær í ísskápnum (varúð klárast nokkuð hratt!). Krökkunum finnst þær líka rosalega góðar og gera þær stundum sjálf.
Innihald
3 dl saxaðar döðlur lagðar í bleyti
3 dl fínir hafrar frá MUNA
2 msk kakó
2 msk Agave síróp frá MUNA
2 msk fljótandi kókosolía
Kókosmjöl
Aðferð
Allt sett í matvinnsluvél, kúlur mótaðar og þeim velt upp úr kókosmjöli og settar í kæli. Njótið í botn!
Skráðu þig á póstlistann!