1. gr.

Þjónustuþegar greiða fyrir aðstoð við almenn heimilisstörf.

1. Aðstoð við almenn heimilisstörf.
   Fullt gjald fyrir stuðningsþjónustu er kr. 2.195 fyrir hvern unninn tíma. Aldrei er þó inn­heimt fyrir meira en 10 klst. á mánuði. Þjónusta umfram það er gjaldfrjáls. Mögulegt er að sækja um lækkun gjalds og skal það metið sérstaklega af starfsmönnum fjölskyldusviðs samkvæmt viðmiðum í fylgiskjali með gjaldskrá þessari. Viðmiðunarupphæðir taka breyt­ingum í samræmi við breytingar á bótum almannatrygginga og vísitölu neysluverðs sem reiknast frá 1. desember ár hvert.
2. Afsláttur af gjaldi fyrir aðstoð við almenn heimilisþrif.
   Afsláttur eða niðurfelling gjalda er metin samkvæmt innsendum tekjuupplýs­ingum/skatt­framtali árlega. Starfsmaður fjölskyldusviðs kallar árlega eftir tekjuupplýsingum. Kjósi þjónustuþegar af einhverjum ástæðum að skila ekki inn tekjuupplýsingum greiða þeir fullt gjald. Undanþága frá gjaldi gildir ekki fyrir heimsendan mat.

Stuðningsþjónusta vegna fatlaðra barna er gjaldfrjáls.

2. gr.

Heimsendur matur.

Þjónustuþegar greiða fyrir aðstoð við heimsendingu matar.

Hver skammtur kostar kr. 1.167.

3. gr.

Daggjald í dagvist aldraðra.

Samkvæmt reglugerð nr. 1245/2016 um dagdvöl aldraðra, með síðari breytingum, er daggjald á dag, kr. 1.100.

4. gr.

Fæðisgjald.

Fæðisgjald í Stólpa, hæfing/iðja, er kr. 725 á dag.

5. gr.

Innheimta.

Gjöld eru innheimt mánaðarlega. Greiðsluseðlar berast ekki heim með pósti nema þess sé sérstaklega óskað.

6. gr.

Tekjumörk.

Við ákvörðun tekjumarka fyrir árið 2022 er miðað við fjárhæðir bóta almannatrygginga 1. janúar 2022.

7. gr.

Gildistaka og lagastoð.

Gjaldskrá þessi sem var samþykkt í sveitarstjórn Múlaþings 8. desember 2021 er sett í samræmi við 26. gr. laga um félagsþjónustu sveitarfélaga nr. 40/1991 og öðlast þegar gildi.

Múlaþingi, 18. janúar 2022.

Björn Ingimarsson sveitarstjóri.

Fylgiskjal.
(sjá PDF-skjal)