Íslensk þekking nýtt í orkuskiptum á Kómorum Heimsljós 14. september 2021 12:18 NewAfricanMagazine Ráðherra segir fagnaðarefni að íslenskt hugvit og sérfræðiþekking nýtist til uppbyggingar lagaramma um endurnýjanlega orku í einu fátækasta ríki Afríku. „Við viljum sjá fleiri burðug og kraftmikil íslensk fyrirtæki skoða samstarfstækifæri í þróunarríkjum og stuðla með starfsemi sinni að hagsæld þar og grípa um leið ný tækifæri til uppbyggingar,“ segir Guðlaugur Þór Þórðarson utanríkis- og þróunarsamvinnuráðherra. Samstarfssjóður við atvinnulíf um heimsmarkmið Sameinuðu þjóðanna veitti á dögunum styrk í verkefni lögfræðistofunnar BBA // Fjeldco um ráðgjöf á sviði lagasetningar vegna orkuskipta á Kómorum í Indlandshafi. Ráðherra segir fagnaðarefni að íslenskt hugvit og sérfræðiþekking nýtist til uppbyggingar lagaramma um endurnýjanlega orku í einu fátækasta ríki Afríku. Kómorur eigi auk þess margt sameiginlegt með Íslandi, bæði eru eldfjallaeyjur sem vilja nýta endurnýjanlegar auðlindir sínar vel. Stjórnvöld á Kómorum, eyríki í Indlandshafi, stefna að því að nýta endurnýjanlega orkugjafa í auknum mæli í stað dísilolíu í þeim tilgangi að draga úr losun gróðurhúsalofttegunda. BBA // Fjeldco annast undirbúning og drög að reglugerðum um nýtingu á sólarorku, vindorku og vatnsafls á eyjunum í samstarfi við ÍSOR, Verkís, Intellecon og ráðgjafa frá Kómorum. Baldvin Björn Haraldsson einn eigenda BBA // Fjeldco lýsir yfir mikilli ánægju með styrkinn. „Ég er þakklátur fyrir að geta stutt við atvinnuþróun sem eflir notkun á endurnýjanlegum orkugjöfum á Kómorum. Þetta hefði ekki verið mögulegt án grunnfjárfestingar hin opinbera í verkefninu. Það tækifæri kom til í framhaldi af samstarfi fyrirtækisins við stjórnvöld á Kómorum sviði jarðhitanýtingar – verkefni sem stutt var af UNDP, Þróunaráætlun Sameinuðu þjóðanna.“ Með skýrum lagaramamma á þessu sviði standa vonir til að hægt verði að fá fleiri erlenda fjárfesta og samstarfsaðila til samstarfs. Aukið aðgengi almennings og fyrirtækja að grænni raforku á sanngjörnu verði er lykilatriði í því að styrkja efnahag og landsframleiðslu Kómora til lengri tíma. BBA // Fjeldco ehf. hefur sérhæft sig í starfsemi sem tengist útflutningi á íslensku hugviti og þjónustu, meðal annars á sviði orkumála, og hefur mikla reynslu af alþjóðlegu samstarfi. Verkefnið kemur í framhaldi af samstarfi fyrirtækisins við UNDP á Kómorum og því er þekking til staðar á stjórnsýslu og stofnunum þar í landi. Samstarfssjóður við atvinnulíf um heimsmarkmið Sameinuðu þjóðanna tekur þátt í fjármögnun verkefna fyrirtækja á sviði atvinnuþróun og uppbyggingu efnahags- og viðskiptalífs í fátækari löndum heims. Sérstök áhersla er á að verkefni feli í sér stuðning við sjálfbæra þróun, umhverfisvernd eða stuðli að aukinni atvinnuþátttöku kvenna. Verkefni þarf að framkvæma í samvinnu við samstarfsaðila í þróunarlandi. Styrkurinn getur numið allt að 200.000 Bandaríkjadölum (um 30 milljónir íslenskra króna) og getur verið allt að 50% af heildarkostnaði verkefnis. Umsóknarfrestur rennur út 15. október næstkomandi. Heimstorg Íslandsstofu annast upplýsingagjöf um samstarfstækifæri í þróunarlöndum en fræðast má nánar um sjóðinn á vef Stjórnarráðsins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Kómoreyjar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Fluttir á sjúkrahús eftir hópslagsmál í miðborginni Innlent Maðurinn sem kveikti í sjálfum sér látinn Erlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent
„Við viljum sjá fleiri burðug og kraftmikil íslensk fyrirtæki skoða samstarfstækifæri í þróunarríkjum og stuðla með starfsemi sinni að hagsæld þar og grípa um leið ný tækifæri til uppbyggingar,“ segir Guðlaugur Þór Þórðarson utanríkis- og þróunarsamvinnuráðherra. Samstarfssjóður við atvinnulíf um heimsmarkmið Sameinuðu þjóðanna veitti á dögunum styrk í verkefni lögfræðistofunnar BBA // Fjeldco um ráðgjöf á sviði lagasetningar vegna orkuskipta á Kómorum í Indlandshafi. Ráðherra segir fagnaðarefni að íslenskt hugvit og sérfræðiþekking nýtist til uppbyggingar lagaramma um endurnýjanlega orku í einu fátækasta ríki Afríku. Kómorur eigi auk þess margt sameiginlegt með Íslandi, bæði eru eldfjallaeyjur sem vilja nýta endurnýjanlegar auðlindir sínar vel. Stjórnvöld á Kómorum, eyríki í Indlandshafi, stefna að því að nýta endurnýjanlega orkugjafa í auknum mæli í stað dísilolíu í þeim tilgangi að draga úr losun gróðurhúsalofttegunda. BBA // Fjeldco annast undirbúning og drög að reglugerðum um nýtingu á sólarorku, vindorku og vatnsafls á eyjunum í samstarfi við ÍSOR, Verkís, Intellecon og ráðgjafa frá Kómorum. Baldvin Björn Haraldsson einn eigenda BBA // Fjeldco lýsir yfir mikilli ánægju með styrkinn. „Ég er þakklátur fyrir að geta stutt við atvinnuþróun sem eflir notkun á endurnýjanlegum orkugjöfum á Kómorum. Þetta hefði ekki verið mögulegt án grunnfjárfestingar hin opinbera í verkefninu. Það tækifæri kom til í framhaldi af samstarfi fyrirtækisins við stjórnvöld á Kómorum sviði jarðhitanýtingar – verkefni sem stutt var af UNDP, Þróunaráætlun Sameinuðu þjóðanna.“ Með skýrum lagaramamma á þessu sviði standa vonir til að hægt verði að fá fleiri erlenda fjárfesta og samstarfsaðila til samstarfs. Aukið aðgengi almennings og fyrirtækja að grænni raforku á sanngjörnu verði er lykilatriði í því að styrkja efnahag og landsframleiðslu Kómora til lengri tíma. BBA // Fjeldco ehf. hefur sérhæft sig í starfsemi sem tengist útflutningi á íslensku hugviti og þjónustu, meðal annars á sviði orkumála, og hefur mikla reynslu af alþjóðlegu samstarfi. Verkefnið kemur í framhaldi af samstarfi fyrirtækisins við UNDP á Kómorum og því er þekking til staðar á stjórnsýslu og stofnunum þar í landi. Samstarfssjóður við atvinnulíf um heimsmarkmið Sameinuðu þjóðanna tekur þátt í fjármögnun verkefna fyrirtækja á sviði atvinnuþróun og uppbyggingu efnahags- og viðskiptalífs í fátækari löndum heims. Sérstök áhersla er á að verkefni feli í sér stuðning við sjálfbæra þróun, umhverfisvernd eða stuðli að aukinni atvinnuþátttöku kvenna. Verkefni þarf að framkvæma í samvinnu við samstarfsaðila í þróunarlandi. Styrkurinn getur numið allt að 200.000 Bandaríkjadölum (um 30 milljónir íslenskra króna) og getur verið allt að 50% af heildarkostnaði verkefnis. Umsóknarfrestur rennur út 15. október næstkomandi. Heimstorg Íslandsstofu annast upplýsingagjöf um samstarfstækifæri í þróunarlöndum en fræðast má nánar um sjóðinn á vef Stjórnarráðsins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Kómoreyjar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Fluttir á sjúkrahús eftir hópslagsmál í miðborginni Innlent Maðurinn sem kveikti í sjálfum sér látinn Erlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent